Dy raste të reja të dyshuara me koronavirus janë paraqitur pak më parë tek Infektivi me autoambulancë.
Lajmi është bërë publik sot në emisionin “Open”, me Eni Vasilin.
Personat dyshohet se kanë qenë të vetëizoluar dhe mjekët i kanë transmetuar nën kushte të plota të izolimit.
Në një lidhje të drejtpërdrejtë, Drejtori i Urgjencës Kombëtare Skënder Brataj tha se këto ditë pritet që të arrihet piku i gjendjes së shkaktuar nga koronavirusi.
“Qoftë nga telefonatat, por edhe numri i të infektuarve besoj se piku do arrihet këto dy tre ditë”, tha ai.
Deri më tani, numri zyrtar i të infektuarve ka shkuar në 23 në vendin tonë. Për rastet e reja të të prekurve ka reaguar edhe Ministria e Shëndetësisë sipas të cilës, nga rastet e reja, 2 janë në Durrës, 2 në Elbasan, 1 në Rrogozhinë dhe 3 në Tiranë.
