Java e parë e muajit gusht ka rezultuar me një rritje të numrit të infektimeve. Në 24 orët e fundit është përkeqësuar situata me infektimet si pasojë e Covid-19, ku janë rregjistruar plot 182 raste të reja. Një numër i konsiderueshëm ky, pas disa javëve ku spikaste një situatë më e qetë dhe me asnjë humbje jete.
Në 24 orët e fundit janë kryer 3.613 testime, nga të cilat kanë rezultuar pozitivë me Covid-19 182 qytetarë, në këto bashki: 50 raste në Tiranë, 19 raste në Shkodër, 15 raste në Fier, Lezhë, 12 raste në Vlorë, 11 raste në Durrës, 8 raste në Mallakastër, 7 raste në Sarandë, 6 raste në Kamëz, 5 raste në Elbasan, 4 raste në Krujë, Prrenjas, Peqin, 3 raste në Kavajë, Lushnje, Patos, 2 raste në Vau i Dejës, Gramsh, Këlcyrë, 1 rast në Kurbin, Kukës, Pukë, Berat, Gjirokastër, Malësi e Madhe, Himarë.
Ministria e Shëndetësisë njofton se aktualisht janë 1.035 pacientë aktivë me Covid-19 në të gjithë vendin. Në Spitalin Infektiv po marrin trajtim spitalor të specializuar 32 pacientë. Në 24 orët e fundit nuk ka asnjë humbje jete.
Shpërndarja gjeografike e rasteve aktive sipas qarqeve:
Tiranë 364
Shkodër 159
Vlorë 103
Elbasan 98
Fier 85
Lezhë 60
Berat 49
Durrës 49
Kukës 24
Gjirokastër 20
Korçë 18
Dibër 6
