Një 17-vjeçar ka humbur jetën ditën e sotme në spitalin ‘Shefeqet Ndroqi’ pasi ishte i prekur nga Covid. Mësohet se i riu ka qënë i shtruar në spital prej ditësh mirëpo nuk ka mundur që të fitonte betejën me virusin.
I riu me origjinë nga Elbasani ishte në spital së bashku me dy prindërit e tij, po ashtu të prekur nga Covid. Nëna e tij ka mundur që ta fitojë betejën me virusin, teksa i ati ndodhet në gjendje të rëndë.
Bëhet e ditur se në momentin që i riu është shtruar në spital ka pasur mushkëritë e prekura në 100% nga virusi.
Në 24 orët e fundit, në vendin tonë u konfirmuan 1184 raste të reja me COVID nga 4013 testime testime të kryera në total, ndërsa 13 persona humbën jetën.
