Një 16-vjeçar është kthyer në një shembull për shumë të rinj, pasi është treguar fisnik duke dorëzuar në polici një kuletë që e kishte gjetur në rrugë. Një kuletë e mbushur plot me lekë, por që kjo nuk e tundoi aspak të riun Erind Shkambaj nga Shkodra, për t’i dorëzuar.
I riu gjeti 6700 euro mëngjesin e së dielës, teksa po shkonte për në stërvitje. Ai nuk e mendoi dy herë, por njoftoi policinë për kuletën, ku brenda saj kishte edhe dokumente.
Bujaria dhe fisnikëria e 16-vjeçarit u shpërblye me vetëm 100 euro nga ana e italianit. I riu gjatë javës vazhdon shkollën e mesme, ndërsa në fundjavë punon si ndihmës kamarier në një prej restoranteve në qytet. Pasditeve stërvitet fort me ekipin e Shkodrës, me ëndrrën se një dite do të bëhet portier i madh.
