Një shqiptar ka përfunduar në pranga pasi është kapur me 4 kg heroinë. I arrestuar është 32-vjeçari Edison Fejzo. Ai u kap në Taranto, ndërsa tentoi t’i ikte policisë. Mësohet se Fejzo ka rritur shpejtësinë në momentin që policia i bëri shenjë të ndalonte.
Ai drejtonte një makinë Opel Meriva. 32-vjeçari braktisi makinën dhe tentoi t’ia mbathte në këmbë.
Por nuk iku larg, pasi policia e bllokoi në kohë. Në pjesën e përparme të makinës u gjetën tetë pako heroine prej 4 kg.
Droga do të kishte vlerë rreth 100 mijë euro, pas hedhjes në treg.
