Opozita s’ka qëndruar duarkryq, në kohën kur zhvillohet seanca parlamentare. Të rinjtë e Forumit Rinor të Partisë Demokratike janë vendosur para Kuvendit, ndërsa janë pajisur me pankarta e banderola kundër qeverisë.
Nuk mungonte edhe një stendë me mbishkrimin ‘Parlamenti i krimit’, ku të rinjtë ‘shisnin’ mandate.
“Një mandat 300 mijë euro, hajde mandate. Tre mandate 1 mln euro! Hajde mandate se u mbush, hajde mandate se u mbush Parlamenti”, thërrisnin të rinjtë e FRPD.
Pasi është konkluduar se KQZ ka vepruar në përputhje me Kushtetutën, tre deputetë nga lista e kandidatëve të Partisë Demokratike nga listat e 2017, kanë bërë betimin në seancën e sotme plenare. Tre deputetët e rinj janë Korab Lita, nga lista e Tiranës, Arlind Çarçani në Korçë dhe Halil Jakimi në Dibër. Me tre deputetët e rinj, numri i ligjvënësve në Kuvend shkon në 102.
