Richard Grenell, deklaroi sonte se “në tryezë” në Uashington të enjten do të jenë vetëm cështjet ekonomike, por ai nuk përjashtoi mundësinë që çështje të tjera do të hapen në bisedime.
“Të enjten, do të ketë çështje ekskluzive ekonomike në tryezë dhe unë pajtohem me presidentin Aleksandar Vuçiq se askush nuk e di se cilat çështje do të diskutohen të premten,” tha Grenell në një bisedë në internet me një grup gazetarësh.
Ai ju përgjigj edhe pyetjes nëse një nga temat e takimit të ardhshëm të delegacioneve të Beogradit dhe Prishtinës do të jetë njohja reciproke.
“Ky është një nga problemet me të cilat përballemi vazhdimisht – që publiku dhe politikanët ta shikojnë këtë proces vetëm në mënyrë të njëanshme. Ne do të shohim se çfarë do të ndodhë të premten, çfarë do të ndodhë të hënën”, shtoi zyrtari amerikan, duke shtuar se procesi është çështje e krijimtarisë, jo e shkencës.
I pyetur nëse delegacioneve mund t’u ofrohet një marrëveshje e ngjashme me atë të arritur midis Izraelit dhe Emirateve të Bashkuara Arabe, Grenell tha se nuk mund t’i përgjigjet kësaj pyetjeje.
“Çdo çështje do të diskutohet dhe kjo varet nga palët nëse ata kanë dëshirë të diskutojnë të gjitha çështjet. Shtetet e Bashkuara, siç deklaron ai, nuk kanë një plan sekret dhe nuk kanë asgjë për të kërkuar nga palët. E vetmja gjë që ata do të kërkojnë është që nëse palët duan ndihmë nga SHBA, nëse duan dollarë amerikanë, atëherë duhet përparim ekonomik. Ne nuk duam t’i shpenzojmë paratë tona dhe të qëndrojmë të vendosur,” tha ambasadori Grenell.
