Mbërritja në Shqipëri e drejtorit të DASH për Ballkanin, shikohet si një mundësi për zgjidhjen e krizës politike në vend. David Kostelancik do të takohet sot me Lulzim Bashën, Monika Kryemadhin, Gramoz Ruçin dhe Edi Ramën. Drejtori i DASH do të takojë në orën 14:00 kreun e Partisë Demokratike, Lulzim Basha.
Në orën 15:30, Kostelancik do të takojë Monika Kryemadhin dhe më pas kreun e Kuvendit, Gramoz Ruçin.
Takimi i fundit i David Kostelancik do të jetë me kryeministrin Edi Rama. Në orën 17:00 Rama dhe Kostelancik do të zhvillojnë një bashkëbisedim në Kryeministri.
David Kostelancik, gjatë vizitës në Shqipëri dhe takimeve me liderët e partive kryesore opozitare pritet që të kërkojë normalizimin e situatës, me qëllim uljen e palëve në dialog për të kapërcyer ngërçin, që mund të ndikojë edhe në vendimin për hapjen e negociatave në mes të tetorit.
