Organizata Botërore e Shëndetësisë njofton se medikamenti kundër Ebolës është tani për tani, ilaçi më i mirë për trajtimin e koronavirusit
Sipas OBSH, shumë pacientë nga Kina edhe Italia janë përmirësuar ndjeshëm pas trajtimit me këtë medikament.
Antivirali “Remdesivir” i prodhuar nga kompania amerikane “Gilead Science”, ka rezultuar edhe më efektiv se ilaçet kundër HIV-it. Remdesivir aktualisht po kalon në provë klinike në SHBA.
“Tani ekziston vetëm një ilaç që ne mendojmë se mund të ketë efikasitet kundër koronavirusit dhe ne mendojmë se është Remdesiviri”, tha në një konferencë shtypi në Pekin, ndihmësi i drejtorit të përgjithshëm të OBSH-së Bruce Aylëard.
Kompania që e prodhon, “Gilead” nisi të bashkëpunonte me autoritetet shëndetësore kineze në fund të janarit, duke testuar pacientët me Covid-19, sëmundja që shkakton koronavirusi. Në fillim të këtij muaji, Instituti Amerikan i Shëndetit i SHBA (NIH) njoftoi se Remdesivir mund të parandalonte koronavirusin tek majmunët.
Sipas të dhënave, ilaçi lehtëson ndjeshëm frymëmarrjen dhe mushkëritë. Tek kafshët e infektuara, Remdesivir përmirësoi ndjeshëm gjendjen e tyre.
