Protesta e radhës e opozitës së bashkuar do të mbahet në datën 8 qershor, në orën 19:00. Kjo datë është caktuar pas mbledhjes së kryedemokratit Basha me strukturat e PD-së.
Lulzim Basha do të niset për një udhëtim drejt Gjermanisë, ku pritet të takohet me krerët e lartë të Bundestagut gjerman, dhe me faktorët e rëndësishëm politik.
Pas protestës së 7-të kombëtare të opozitës së bashkuar, kryetari i Partisë Demokratike, Lulzim Basha, në mbyllje të protestës, tha nga selia blu se sot ishte hera e fundit që u flet me argumentet e arsyes, teksa ka bërë një thirrje të fortë duke thënë se në protestën e ardhshme do të flasin qytetarët.
