Kreu i Grupit Parlamentar të Partisë Socialiste, Taulant Balla ne fjalën e mbajtur në foltoren e Kuvendit u shpreh se presidenti Meta duhet liruar urgjentisht, në mënyrë për të rivendosur autoritetin e këtij institucioni.
Po ashtu, numri dy i PS-së, duke iu referuar deklaratave të fundit të Ilir Metës, teksa e shpallte veten Avni Rustem, u shpreh se po rrotullohet ka disa ditë në varr, pasi emrin e tij po e shpërdorojnë njerëz që s’kanë lidhje me të.
Ndër të tjera, Balla u shpreh se: “Prej sot në këtë Kuvend nuk do të ketë më kurrë bojkot kurrë djegie mandatesh e kurrë më parti molotovësh e as fronte armiqësore politike.”
“Avni Rustemi po rrotullohet atje në varr se po ja shpërdorojnë emrin njerëz që s’kanë lidhje me të.
Ky kuvend duhet ta refuzojë dekretin e presidentit aktual të Republikës i cili veçse u kujton shqiptarëve se është pjese e një grupi i cili bën gjithçka për të penguar reformën në drejtësi.
Ajo zyrë duhet liruar urgjent! Zgjedhjet e 30 qershorit ndodhën, fitoi e drejta kushtetuese e çdo shqiptari për të votuar, keqardhje për këdo që nuk votoi.
Duhet ta lexojnë mirë 30 qershorin, duke falënderuar SHBA, misionit te tyre diplomatik, faleminderit BE dhe OSBE.
Ne nuk kemi fituar vetëm betejën zgjedhore të radhës, por kemi fituar luftën për zgjedhjet e të gjitha radhëve në Shqipëri”, tha Balla.
