Përfundon ndeshja midis Francës dhe Zvicrës, ndeshje e për fazën e 1/8-ave në Euro 2020. Helvetët kanë bërë surprizën e madhe, eleminuan kampionët e botës. Koha e rregullt përfundoi me rezultatin 3-3, ndërkohë që “ruleta ruse” e penalltive iu buzëqeshi helvetëve. Kilian Mbape ishte ai që gaboi nga pika e bardhë, duke nxjerrë “gjelat”, jashtë Europianit.
Çfarë ndodhi në 120 minuta
Seferoviç kaloi në avantazhin Zvicrën, në minutën e 14-të me një goditje të bukur me kokë, pas një harkimi perfekt nga Zuber në krahun e majtë.
Zvicra e pati shansin më të mirë të shkonte 2-0 ndaj Francës në pjesën e dytë, me penalltinë e fituar nga Zuber (me VAR).Por Rodriguez gaboi nga pika e bardhë e penalltisë, i neutralizuar nga Lloris.
Benzema gjeti rrjetën e barazimit për “gjelat” në minutën e 57-të.
2 minuta më pas, Benzema shënoi edhe golin e dytë personal duke përmbysur gjithçka.
Në minutën e 75, Pol Pogba realizoi një gol spektakolar, ku nga jashtë zone, te topi i kthyer, mati mirë këmbën dhe me një superharkim e dërgoi topin aty ku portieri Somer nuk mund të mbërrinte edhe pse fluturoi.
Por, në minutën e 81-të, Seferoviç realozi dopietën e tij personale, pas një goditje të bukur me kokë brenda zonës.
Kur u duk se ndeshja do të përfundonte në kohë e rregullu, shënoi Gavranoviç duke barazuar shifrat në 3-3.
