Zv.ministrja e Shëndetësisë, Eugena Tomini deklaroi se në Shqipëri janë mbi 33 mijë persona që janë vaksinuar.
E ftuar nq Real Story, Tomini u shpreh se me 1 dozë janë vaksinuar mbi 25 mijë persona, ndërkohë që të dyja dozat i kanë marrë rreth 8 mijë qytetarë.
Eugena Tomini: ”Kemi mbi 33 mijë vaksina të injektuara. Me dozë të parëjanë mbi 25 mijë, dhe me dy doza janë gati 8 mijë individë. Vetëm në 4 ditë aplikim të AstraZeneca, kemi 4110 arsimtarë që kanë aplikuar. Nuk është vlerë për të mos u konsideruar, por është një fillim i mbarë për grupin e shërbimeve kritike që kemi vlerësuar.”
Lidhur me vaksinimin nga dozat e AstraZeneca, Tomini tha se deri më tani EMA nuk ka nxjerrë që ka një lidhje mes vaksinës dhe mpiksjes së gjakut.
