Kryetari i Partisë Demokratike, Lulzim Basha ka bërë një zotim duke thënë se kur të vijë në pushtet, akti i parë i tij dhe i fundit do të jetë garantimi i drejtësisë.
Në një postim që ka bërë në rrjetet sociale, Basha krahas videos së koferencës së tij ditën e sotme, shkruan se nëse do të jetë në krye të qeverisë do të vendosë funksionimin e reformës në drejtësi dhe institucioneve.
“Zotohem sot para jush se akti im i parë dhe i fundit si kryeministër do të jetë garantimi i pavarësisë së plotë të drejtësisë, me duart larg nga drejtësia, me funksionimin deri në fund të reformës në drejtësi dhe institucioneve.”- shprehet Basha në rrjetin social, Twitter
Zotohem sot para jush se akti im i parë dhe i fundit si kryeministër do të jetë garantimi i pavarësisë së plotë të drejtësisë, me duart larg nga drejtësia, me funksionimin deri në fund të reformës në drejtësi dhe institucioneve. pic.twitter.com/g4LgBTcTt0
— Lulzim Basha (@lulzimbasha_al) March 3, 2021
Basha reagoi pas raportit të DASH, sipas të cilit Shqipëria nuk ka bërë asnjë përparim në luftën kundër pastrimit të parave të pista.
Ai deklaroi se shkak për situatën dramatike të pastrimit të parave është vetëm qeveria e dështuar dhe e korruptuar e Edi Ramës.
