Teksa të gjithë shqiptarët menjëherë kanë dhënë kontributin e tyre me ndihma ushqimore dhe veshmbathje, kryeministri Rama ka bërë një apel të hapur. Kjo thirrje i drejtohet të gjithë qytetarëve, të cilët kanë nxituar të japin aq sa kanë mundësi, ndaj të prekurve ndaj tërmetit.
Duket se personat e vendosur nëpër çadra, nuk kanë më nevojë për ndihma ushqimore dhe rroba. Rama njofton se kanë ardhur pafund ndihma, dhe hapësirat e magazinimit janë zënë të gjitha.
Po kështu, në Portin e Durrësit s’ka më kapacitet për depozitimin e tyre, dhe nevoja është tejkaluar. Lidhur më zërat që qarkullojnë se ka vjedhje ndihmash, ai konfirmon se nuk ekziston një gjë e tillë. Tashmë problemi mbetet tek strehimi i këtyre familjeve.
Statusi
JU LUTEM
JU LUTEM MOS DERGONI MË NDIHMA USHQIMORE DHE RROBA
Kanë ardhur pafund dhe hapësirat e magazinimit po shterren. Në Portin e Durrësit s’ka më kapacitet për depozitimin e tyre dhe nevoja është përmbushur e tejkaluar, falë shumë njerëzve, sipërmarrjeve, organizatave, institucioneve brenda e jashtë! Gjynah nga Zoti të skadojnë a të kalben nga mospërdorimi.
FALEMINDERIT SHUMË, ME ZEMËR, POR JU LUTEM MIRËKUPTIMIN TUAJ.
JU LUTEM MOS DËGJONI ata që spekullojnë me episode sporadike konfuzioni të natyrshëm në situatën e jashtëzakonshme ku jemi.
NUK KA VJEDHJE NDIHMASH e as SHITJE NDIHMASH, në asnjë lloj niveli shqetësues, por bëhet fjalë për episode krejt të parëndësishme për nga përmasa apo për shfaqje e postime provokatorësh të pashpirt, në LUMIN E NDIHMAVE të solidaritetit fantastik.
JU LUTEM kuptoni se problemi i emergjencës fillestare të ushqimit dhe veshmbathjes se fatkeqëve, është tanimë i zgjidhur dhe i tejkaluar FALË JUSH.
JU LUTEM SOLIDARIZOHUNI PËR TË PËRBALLUAR LUFTËN E VERTETË për strehimin e tyre dinjitoz.
Kontribuoni me një shumë sado modeste, SIPAS MUNDËSISË SUAJ në adresën unike e-albania.al/dhuro dhe JU LUTEM, MOS DËGJONI TË PAUDHËT që hedhin dyshime e mbjellin mërzi mbi kupën e shpirtit tuaj të dëshpëruar, duke aluduar lloj-lloj ligësish e pabesish…
JU LUTEM BESOJENI, KY ËSHTË MOMENTI YNË I BALLAFAQIMIT ME ZOTIN E SHQIPTARËVE dhe nuk është ora e kujtdo që e mohon atë Zot, duke bërë politikë apo kallur mërzinë e vogëlsisë së vet, në SHPIRTIN TUAJ BUJAR.
ZOTI BEKOFTË SHQIPËRINË DHE JU TË GJITHË PA DALLIM e frenoftë gjuhën e kujtdo s’di çfarë flet në këtë ORË SPROVE TË RËNDË për FORCËN E ZEMRËS SHQIPTARE.
