E shtunë, 23 Janar, 2021
8 C
Tirana

Zoran Zaev i dorëzon parlamentit emrat e kandidatëve për ministra

Mandatari për formimin e qeverisë së re në Maqedoninë e Veriut, Zoran Zaev ia dorëzoi sot parlamentit projekt-programin e punës së kabinetit të pritshëm dhe emrat e kandidatëve për ministra.

Zaev tha se qeveria e tij do të jetë e përkushtuar ndaj përmirësimit të jetesës së qytetarëve, luftës kundër kriminalitetit dhe korrupsionit, si dhe premtoi një kabinet efikas e të përgjegjshëm.

Mandatari Zoran Zaev, i shoqëruar nga nëntëmbëdhjetë kandidatë për ministra i dorëzoi parlamentit listën e emrave të anëtarëve të kabinetit të ardhshëm qeveritar dhe programin e punës për periudhën katër vjeçare.

Shumë nga kandidatët për postin e ministrave janë emra të njohur dhe kanë ushtruar detyra në pushtetin ekzekutiv gjatë mandatit të kaluar. Ata janë zyrtarë të lartë të Lidhjes Social Demokrate apo të Bashkimit Demokratik për Integrim.

Zoti Zaev, duke folur në një konferencë shtypi tha se të gjithë anëtarët e kabinetit të tij zotohen se do të çojnë proceset përpara.

“Le ta bëjmë së bashku çdo vendbanim të këtij shteti një ambient më të mirë për jetesë”, tha ai, ndërsa theksoi se programi i veprimtarisë së qeverisë pasqyron përkushtimin e të gjitha partive politike që bëjnë pjesë në koalicion për luftë të pakompromis kundër kriminalitetit dhe korrupsionit.

“Qytetarët e Maqedonisë do të kenë një qeveri të qëndrueshme, efikase dhe të përgjegjshme, e cila do të garantojë vazhdimësi të zbatimit të përparësive strategjike”, tha zoti Zaev duke përmendur anëtarësimin në NATO, synimet drejt bashkimit Evropian, marrëdhëniet e mira më fqinjët dhe ato ndëretnike, ballafaqimin me pandeminë e koronavirusit dhe një energji të re e vendosmëri për një dinamikë të re ekonomike, arsim modern, shtet më efektiv të së drejtës e institucione të fuqishme.

Lexo edhe :   Maqedonia e Veriut publikon pagat e kabinetit, Zaev paguhet më pak se Rama

Zoti Zaev premtoi pastrimin në themel, siç u shpreh, të sistemit gjyqësor dhe kontrollin e burimit të parave dhe pronës të të gjithë funksionarëve shtetërorë.

Zaev pret nga Kryetari i Parlamentit Talat Xhaferi që t’u japë kohë të mjaftueshme deputetëve për t’u njohur me programin dhe me biografinë e kandidatëve për ministra.

Ai pret një debat cilësor në parlament dhe mbështetjen e shumicës së re parlamentare që qeveria e re nga java e ardhshme të fillojë punë për realizimin e programit.

Lexo edhe :   Maqedonia e Veriut publikon pagat e kabinetit, Zaev paguhet më pak se Rama

Ndërkohë Izet Mexhiti i Bashkimit Demokratik për Integrim, i cili është deputet ka bërë të qartë se do ta votojë qeverinë edhe përkundër vërejtjeve që ka për një pjesë të ekzekutivit:

Shumica e re përbëhet nga 62 ligjvënës nga 120 vende në parlament. Qeveria miratohet me 61 vota. Mandatari Zoran Zaev e quan këtë një shumicë të qëndrueshme përkundër vlerësimeve ndryshe të analistëve dhe ekspertëve.

Sipas pritshmërive, parlamenti mund të mblidhet në fundjavë për të diskutuar dhe votuar kabinetin qeveritar të zotit Zoran Zaev, shkruan “Voa”.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...