Zjarri i cili para një jave përfshiu zonën e njohur si Surroj, në qarkun e Kukësit, duket se është riaktivizuar.
Sipas informacioneve paraprake, zjarri i përmasave të mëdha ka rënë në vendin e quajtur Grykët e Ftohta.
Ndërkohë, FaxNews raporton se zjarrfikësja, Shërbimet Pyjore dhe Ushtria kanë shkuar menjëherë në vendngjarje, por kanë hasur vështirësi në ndërhyrje për shkak të terrenit.
Përveç të tjerave, mësohet se vatrat e zjarrit dhe përhapja e tyre është e favorizuar edhe nga era që fryn në zonë.
Nga ana tjetër, një zjarr me përmasa të mëdha nisi edhe në fshatin Komat, Bashkia Finiq, mesditën e së martës dhe ka vijuar deri në orët e para të së mërkurës. Policia dyshon se zjarri ka qenë i qëllimshëm dhe ka nisur hetimet.
Nga inventari i bërë sot nga zyrtarë të bashkisë, mësohet se është përfshirë nga zjarri një sipërfaqe prej 150 ha kullotë, nga të cilat 55 ha shkurre, 20 ha e privatit, ndërsa pjesa tjetër ullishte dhe pemëtore.
