Një restorant pranë stadiumit “Elbasan Arena” është përfshirë nga flakët pasditen e kësaj të enjte në qytetin e Elbasanit.
Dyshohet se zjarri ka ardhur nga kuzhina e restorantit, si pasojë e pakujdesisë. Forcat zjarrfikëse dhe policia kanë mundur të shkojnë në kohë në vendngjarje.
Mësohet se flakët nuk kanë shkaktuar dëme materiale, ndërsa nuk raportohet as për persona të lënduar. Situata e krijuar shkaktoi panik tek qytetarët e zonës, pasi është një zonë mjaft e frekuentuar.
