Deputetja Rudina Hajdari ka reaguar pas ngjarjeve të mbrëmshme ku disa persona i vunë flakën një shkolle në Shkodër me qëllim djegien e materialeve zgjedhore që gjendeshin në të.
Hajdari iu është drejtuar të gjithë demokratëve duke e cilësuar djegien e shkollës në Shkodër si një traumë kombëtare dhe dhunë anti-shqiptare.
“Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare”, shkruan deputetja.
Ajo shprehet se ka vendosur që rrogën mujore t’a dhurojë për riparimin e dritareve të shkollës që u dogj dje në këtë qytet nga ata që deputetja i quan servil të kryetarit të opozitës.
Postimi i plotë:
Të dashur demokratë,
Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare.
Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokrat dhe as socialist por thjesht servil të kryetarit dhe shpresojnë që në të ardhmen të shpërblehen me parimin: “Kush djeg dhe shkatërron më shumë bëhet drejtor ose doganier”
Le të jetë paga ime fillimi i një fushate ndërgjegjësimi nga çdo shqiptar që kërkon një Shqipëri si Europa.
Me respekt, Rudina A. Hajdari.
