Pas ngjarjeve të mbrëmshme në qytetin e Shkodrës ku shkollës ‘Shejnaze Juka’, ku ishte vendosur KZAZ-ja nr.3, iu vendos flaka duke përdorur benzinë, policia ka arrestuar disa prej personave.
Tre punonjës të bashkisë dhe një militant i PD-së janë arrestuar gjatë natës në kryeqendrën e veriut të vendit, ndër ta edhe 2 policë. Të arrestuarit janë Gentian Bytyqi dhe Alfred Nikolli, dy policë të bashkisë, specialisti i bujqësisë Adi Garuci, ndërsa në pranga kanë përfunduar edhe dy persona të tjerë, Aleks Ndoj dhe Orlando Thepin.
Katër personat janë arrestuar mbrëmë gjatë natës pas evidentimit të pamjeve nga ekspertët e policisë.
Materialeve që do të përdoreshin në zgjedhjet e 30 qershorit për procesin zgjedhor iu vu flaka, duke detyruar ndërhyrjen e zjarrfikëseve për shuarjen e zjarrit.
Përplasja mes protestuesve dhe forcave të Policisë së Shtetit kanë zgjatur rreth 30 minuta, ndërkohë që pas përplasje mbështetësit e PD-së u larguan drejt Pallatit të Sportit “Qazim Dervishi”, ku ndodhet KZAZ numër 2.
Pritet që gjatë ditës së sotme mund të ketë të tjera arrestime nga policia e Shkodrës pas incidenteve të ndodhura në KZAZ-në e Shkodrës.
