Një sherr për pulat kanë futur në sherr dy vëllezër kundrejt xhaxhait të tyre, ku këtë të fundit edhe e kanë dhunuar. Kjo ngjarje është shënuar në Skrapar, dhe në pranga kanë rënë dy agresorët.
Policia njofton se 32-vjeçari A. Isufi dhe 30-vjeçari E. Isufi, vëllezër, në bashkëpunim me njëri-tjetrin kanë goditur me leva dhe shkopinj bejzbolli xhaxhain e tyre, 63-vjeçarin P.I. Vëllezërit i kanë shkaktuar dëmtime në kokë, e për këtë arsye ai po merr trajtim mjekësor në spitalin e Traumës.
Mësohet se sherri ka nisur për pulat, pasi kishin hyrë në tokën e tyre. Lidhur me këtë rast, materialet i kaluan Prokurorisë së Rrethit Gjyqësor Berat, për veprime të mëtejshme.