Kryeministri Edi Rama ka zhvilluar ditën e sotme 4 takime me deputetët e qarqeve.
Takimet janë zhvilluar në Sallën e Hartave në kryeministri që prej orës 13:00 deri në orën 19:00.
Burime për “ABC News” kanë njoftuar se Rama u ka kërkuar deputetëve të nisin riorganizimin e partisë dhe mobilizimin e strukturave për zgjedhjet e pranverës.
“Nuk ka zgjedhje të parakohshme për bashkitë, kryebashkiakët do të vijojnë mandatin e tyre. Unë nuk jam për lista të hapura, por çfarë nuk ndodh deri në fund, kështu që kjo fushatë është betejë e juaja. Në varësi të dinamikës politike, mund të mos kemi koalicione parazgjedhore”, është shprehur kryeministri.
Rama do të thërrasë nesër edhe kryebashkiakët në disa takime të ndryshme të grupuara sipas qarqeve.
