E enjte, 20 Janar, 2022
-3.5 C
Tirana

Zgjidhen anëtarët e rinj të KED, reagon ambasadorja Yuri Kim

Ambasadorja amerikane në Tiranë, Yuri Kim, ka përgëzuar shortin e hedhur nga Presidenca, në bashkëpunim me Këshillin e Lartë Gjyqësor, Këshillin e Lartë të Prokurorisë dhe Avokatin e Popullit me përzgjedhjen e anëtarëve të rinj në KED. Sipas ambasadores, shorti transparent i djeshëm i hap rrugë plotësimit të Gjykatës Kushtetuese në fillim të vitit të ardhshëm. “Vazhdon zbatimi i Reformës në Drejtësi. Më vjen mirë që Zyra e Presidencës (në bashkëpunim me Këshillin e Lartë Gjyqësor, Këshillin e Lartë të Prokurorisë, Avokatin e Popullit dhe të tjerë) zhvilloi dje një short transparent për përzgjedhjen e anëtarëve të rinj të Këshillit të Emërimeve në Drejtësi. Gjykata Kushtetuese arriti kuorumin 1 vit më parë që mundësoi funksionalitetin. Veprimi i djeshëm i hap rrugën përfundimit të Gjykatës Kushtetuese në fillim të vitit 2022. Inkurajojmë të gjitha institucionet përkatëse, që të vazhdojnë përpara – pavarësisht pengesave – për zbatimin e Reformës në Drejtësi”, shkruan ambasadorja Kim në Twitter.

Presidenca zgjodhi dje me short anëtarët e rinj të Këshillit të Emërimeve në Drejtësi. Në KED zgjidhen 2 anëtarë nga Gjykata Kushtetuese, 1 përfaqësues i Gjykatës së Lartë, 1 përfaqësues i Prokurorisë së Përgjithshme, 2 përfaqësues nga Gjykatat e Apelit, 2 përfaqësues të Prokurorive të Apelit, 1 përfaqësues nga Gjykatat Administrative. Pas hedhjes së shortit, janë përzgjedhur anëtarët e rinj, ku Marsida Xhaferllari dhe Elsa Toska janë zgjedhur përfaqësueset e Gjykatës Kushtetuese në Këshillin e Emërimeve në Drejtësi. Xhaferllarri është një nga emrat e rikonfirmuar në detyrë, e cila aktualisht është edhe anëtare në KED.

Shorti ka përzgjedhur anëtar zëvendësues të Kushtetueses në KED Altin Binajn. Nga kandidatët e Gjykatës së Lartë shorti ka përzgjedhur Sokol Binaj si anëtar të Këshillit të Emërimeve në Drejtësi. Sipas ligjit, Binaj do të jetë edhe kryetari i ri i KED-it.

Ndërkohë që Sandër Simoni është përzgjedhur anëtar zëvendësues nga Gjykata e Lartë. Nga kandidatët e Prokurorisë së Përgjithshme, Anila Leka është përzgjedhur nga shorti si anëtare e Këshillit të Emërimeve në Drejtësi, ndërsa Thoma Jano është përzgjedhur anëtar zëvendësues në KED nga Prokuroria e Përgjithshme. Nga kandidatët e Gjykatave të Apelit janë përzgjedhur nga shorti Edlira Petri dhe Enton Dhimitri si anëtarë të përhershëm. Ridvan Hado është përzgjedhur si anëtar zëvendësues. Nga kandidatët e zyrave të Prokurorive pranë Gjykatave të Apelit janë përzgjedhur Arta Marku dhe Etien Kapo, ndërsa anëtar zëvendësues është përzgjedhur Genti Xholi. Nga kandidatët e Gjykatave Administrative është përzgjedhur Klodiana Mema (Veizi) si anëtare e përhershme, ndërsa anëtar zëvendësues është përzgjedhur Erarbër Madhi.

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...