Kryeministri Edi Rama ka sqaruar mënyrën se si do të funksionojë implementimi i sistemit biometrik të identifikimit.
I ftuar në emisionin “Opinion”, Rama tha se do jetë KQZ që do ta ndjekë të gjithë procesin. Kreu i qeverisë theksoi se PD do të zgjedhë zv.kryetarin e këtij institucioni, i cili do të monitorojë të gjithë procesin.
“Nga pikëpamja e gjithë përgatitjes së procesit, e tenderit, kontratës së implementimit është KQZ që do ta bëjë. Dhe PD është e mirëpritur që të gjejë në vend, një person, le të gjejë me të politizuarin që ekziston, nënkryetar me mandat strikt për ta ndjekur procesin nga A tek ZH, që nesër mos të kemi avazin e vjetër u sabotua këtu u sabotua atje, tenderi këtej. Ky do të jetë një zv.kryetar i KQZ që ka këtë mandat bashkë me një ekspert të fushës vënë në dispozicion nga partnerët . U bë teknologjia malet më të larta shkojmë me teknologji, nuk u bë teknologjia nuk dëgjojmë më bërr bërr se si u sabotua”, tha ai.
