Kryetari i Lëvizjes për Zhvillim Kombëtar, Dashamir Shehi u shpreh se zgjedhjet e 25 prillit janë një shans për kreun e PD-së, Lulzim Basha për të fituar postin e kryeministrit.
Në një intervistë për ‘ReportTv’, ai ka dhënë edhe një mesazh për ish-kryeministrin, Sali Berisha.
Sipas tij, do ishte e pafalshme nëse Berisha do të ndërhynte në çështjen e opozitës.
Dashamir Sehi: “Në këtë çështje Berisha nuk është ngatërruar. Do ishte e pafalshme për z. Berisha të ndërhynte në këtë moment. Ndaj nuk besoj s ngatërrohet në këtë lloj teme. Unë do të dëshiroja të merrte rolin e të urtit. Unë mendoj se i duhet parlamentit z. Berisha, qoftë edhe për memorien politike. Atë do ta gjykojë historia. Gjykoj se mund të luajë një rol ende nëse shkon drejt një pozicioni të urtë. Ka ardhur koha për një shef të ri. Vendimet duhet të jenë edhe më kolegjiale. Pushtetin ta kalojmë nga personat te institucionet që fatkeqësisht për 30 vite kjo nuk është bërë. Ky është një shans i madh për z. Basha”.
