Zgjedhjet “politike” në FSHF/Duka siguron mbështetjen e PD-së

Në eventin që organizoi Federata Shqiptare e Futbollit, ku prezantoi albumin me fotografi të suksesit të Kombëtares në “Euro 2016”, ka pasur edhe njerëz të politikës. Ajo që ka rënë më shumë në sy dhe nuk u specifikua në njoftimin e FSHF-së, ishte se do të ishin të pranishëm ishin ish futbollistë të kombëtares, trajnerë, njerëz të futbollit, media dhe qytetarë të shumtë, por jo njerëz të politikës.

Në këtë event e pranishme ishte dhe zëdhënësja e Partisë Demokratike, Ina Zhupa, e cila ka qenë prezent në këtë aktivitet të organizuar nga FSHF-ja. Kjo të bën të mendosh se Armand Duka, duke parë që kundërshtari  i tij vjen nga një parti politike ka vendosur që tëprezantohet në këtë mënyrë. Zëdhënësen e Partisë Demokratike e cila më shumë sesa e ftuar dukej si punonjëse e administratës dhe kjo të bën se PD ka dalë në një qëndrim të hapur në këto zgjedhje që duhet të ishin më të ndershmet dhe të pavarurat në këtë vend.

Disa prej njerëzve të PD-së dhe LSI-së janë në listë për tu punësuar në administratën e FSHF-së në rast se Armand Duka rizgjidhet sërish në krye të institucionit shqiptar, sipas burimeve të TemA TV. Ina Zhupa ka përkrahur publikisht kandidaturën e Armand Dukës dhe besohet se është me urdhër të Partisë Demokratike, që bashkitë e djathta të votojnë Dukën. Presidenti aktual ka akuzuar shpesh kundërshtarin e tij, Bashkim Fino, se ai po del si kandidat partie dhe kjo nuk është e pranueshme dhe nga ana tjetër ka siguruar mbështetjen e partive opozitare dhe shpesh i shohim të pranishëm në evente të FSHF-së. Kujtojmë që zgjedhjeve u është shtuar edhe një kandidat nga fusha e sportit, Shpëtim Hala, një ish-arbitër në Itali.