Analisti Andi Bushati i ftuar në studion e lajmeve të ‘News24’ ka folur për garën e zgjedhjes së Prokurorit të Përgjithshëm.
Sipas analistit, Arta Marku do të qëndrojë në krye të Prokurorisë së Përgjithshme edhe 7 vite të tjera.
“Rikonfirmimi i Arta Markut është basti im. Por a duhet të kandidonte? As nuk duhej sepse ka marrë vulën si një prokurore e PS-së. Një njeri pa pikën e integritetit të kalojë në Gjykatë”, tha Bushati.
Kandidatët që janë lakuar për këtë post, janë kryeprokurorja aktuale, Arta Marku, prokurori i Krimeve të Rënda Olsian Çela, prokurori pranë Prokurorisë së Përgjithshme, Adnan Xholi, dhe Plarent Ndreca.
