Në orën 07:00 ka nisur zyrtarisht procesi i votimit në të gjithë vendin, në 5417 qendrat e votimit.
Aktualisht nuk raportohet për ndonjë incident nga militantë të opozitës, dhe procesi po shkon normalisht.
Mësohet se ndër socialistët e parë që votoi ishte zv.kryeministri Erion Braçe.
I dyti që do t’i drejtohet kutisë së votimit do të jetë kryebashkiaku aktual i Tiranës, i cili kandidon për një mandat të dytë, Erion Veliaj. Ky i fundit do të votojë tek Parku Olimpik në Tiranë, aty ku është edhe zona e tij e banimit.
Kryeministri Edi Rama pritet të votojë në orën 09:00, në Surrel.
