Zgjedhjet në Federatën Shqiptare të Futbollit këtë vit kanë marrë një interes të gjerë, kjo për faktin se Bashkim Fino po heq dorë nga politika për të drejtuar sportin. Por jo vetëm kaq, pasi edhe në Komitetin Ekzekutiv kemi një garë të fortë, me emra mjaft të njohur.
Do të jenë 11 emra që do të drejtojnë qeverinë e futbollit shqiptarë, por bie në sy që kandidatët janë të fushave të ndryshme që nuk është se e njohin sportin nga afër. Në listën e 13 kandidatëve bëjnë pjesë politikanë, biznesmenë, ish-prokurorë, sportistë dhe studiues.
Është e vështirë për ta kuptuar se pse ky interes kaq i madh për tu drejtuar sporti nga personalitete të tilla, kur në atë listë gjejmë emra si ish-ministri i Drejtësisë, Enkeljed Alibeaj, ish-prokurori i Përgjithshëm, Theodhori Sollaku, ish-futbollisti Vasil Bici, studiuesi Erald Kapri e shumë të tjerë. Pas kandidimit të Finos, të gjithë po e shohin Federatën si një “trofe” dhe po kthehet si “tepsia” aq shumë e përfolur, e kryeministrit Rama në zgjedhjet e fundit.
Lista e plotë e kandidatëve për anëtarë të komitetit ekzekutiv të FSHF vijon me tej me, Eduard Prodani, Lutfi Nuri, Edvin Libohova, Arben Dervishaj, Abdyl Kuriu, Bardhyl Jera, Artan Shyti, Artur Dadaj, Bardhyl Minxhozi dhe Gëzim Podgorica.
