Kryeministri i Maqedonisë së Veriut, Zoran Zaev deklaroi se zgjedhjet e caktuara të mbajtura në 12 prill edhe mund të shtyhen, nëse në Kuvend nuk miratohen paraprakisht ligjet që janë në dobi të qytetarëve. Ai u shpreh se përparësi është votimi i ligjeve për rritjen e pagave dhe të pensioneve.
“Nuk e kam ndërmend të jap dorëheqje nëse dikush i bllokon proceset e këtilla. Pa dhënë dorëheqje, nuk ka fillim të të gjitha procedurave. Secili i pret 900 denarët nga pensionistët, që janë 322 mijë në numër, qytetarët që punojnë në arsim, mësuesit, arsimtarët, profesorët presin pagë më të lartë, mjekët, motrat medicinale, çdo ditë e tyre varet nga vendimi nëse do të mbeten këtu ose do të largohen. Gjërat e këtilla nuk guxon t’i rrezikojë askush prej nesh”, deklaroi Zoran Zaev.
Nga ana tjetër, opozita i konsideron kushtet e Zaevit si përpjekje për të ikur nga zgjedhjet.
