Deputeti i Partisë Socialiste, Ditmir Bushati i ftuar në emisionin “Tempora” foli për zgjedhjet lokale, ku theksoi se Shkodra mbetet një terren i vështirë për PS, por, sipas tij, asgjë nuk është e pamundur.
Ndërkohë, Bushati u shpreh se synojnë që të kenë një rezultat me të mirë se ai para katër viteve.
“Bëjmë organizimin, aq më tepër që kemi në prag zgjedhjet. Jemi përfshirë në një proces intenisv sa i përket kandidatëve për këshill bashkiak. Janë 5 bashki 3 drejtohen nga ne dhe 2 nga PD. Synojmë të kemi një rezultat më të mirë se ai para 4 viteve. Nuk është një territor i lehtë për PS sidomos bashkia Shkodër. Por nga ana tjetër asgjë nuk është e pamundur në politikë, aq më tepër që PD në Shkodër nuk ka qeverisur mire”, deklaroi Bushati.
