Dega e Partisë Libra në Vlorë është bashkuar me Lëvizjen Socialiste për Integrim. Lajmin e ka bërë të ditur kandidati për deputet i LSI, Luan Rama përmes një postimi në rrjetet sociale.
Sipas tij, ky bashkim frymëzohet nga kauza patriotike e shpëtimit të Shqipërisë nga e keqja më e madhe që e ka emrin Rilindje
”25 prilli – dita e madhe e fitores: LIBRA E VLORËS BASHKOHET ME LËVIZJEN SOCIALISTE PËR INTEGRIM
Libra e mirëpritur në Lëvizjen Socialiste për Integrim, në forcën moderne të të rinjve, në fuqinë e madhe të ndryshimit dhe të fitores. Ku tjetër më mirë se në Vlorë merr vlerë bashkimi, e bashkimi i Librës me LSI-në, frymëzohet nga kauza patriotike e shpëtimit të Shqipërisë nga e keqja më e madhe që e ka emrin Rilindje.’’, shkruan Rama.