UEFA ka gati planin, Champions League ndryshon tërësisht format

Champions League pritet të ndryshojë format në vitin 2024, ku UEFA ka gati planin e ri organizativ dhe ndryshimet janë të shumta.

Në kompeticionin e ri do të marrin pjesë 36 skuadra nga 32 aktualisht, dhe do të rritet numri i ndeshjeve të luajtura, ku fituesi i Champions-it do të luajë 17 ndeshje gjatë gjithë kompeticionit.

Grupet do të përzgjidhen me vetëm 4 vazo dhe çdo ekip do të duhet të luajë 10 ndeshje në mënyrë që të kalojë grupin.

Skuadrat më të mira në grup do të zgjidhen më pas për raundet e tjera. Gjithashtu parashikohet dhe heqja e pauzës së dhjetorit teksa do të luhen ndeshjet gjatë gjithë sezonit.

Kompeticioni i ri pritet jetë më fitimprurës, çka e tregon dhe rritja e numrit të ndeshjeve. Komiteti i UEFA-s shumë shpejt do të mblidhet për të miratuar formatin e ri.