Mediat greke kanë shkruar ditën e djeshme jo vetëm për protestën e opozitës së bashkuar, por edhe për vendimin e presidentit Ilir Meta, për të anuluar datën e zgjedhjeve vendore të 30 qershorit.
Gazeta “Kathimerini” dhe “Proto Thema” shkruajnë se kryeministri shqiptar, Edi Rama shfaqet i bindur në zhvillimin e zgjedhjeve në datën e caktuar dhe nuk heq dorë nga ky vendim, pavarësisht aktit që ka ndërmarrë presidenti.
Ndërkohë, “star.gr” dhe ‘newsbomb.gr’ theksojnë se kryeministri është këmbëngulës dhe nuk pranon në asnjë mënyrë ndryshimin e datës së zgjedhjeve, pasi e konsideron antikushtetues.
Po ashtu, portali “Tribune.gr”, shkruan se Rama tregohet arrogant jo vetëm karshi vendimit të Metës, por edhe ndaj mijëra protestuesve të cilat kanë dalë në shesh për afro 4 muaj.
