Zgjedhjet e 30 qershorit, vazhdojnë të mbeten akoma shumë të diskutuara, për faktin se në to mori pjesë vetëm Partia Socialiste. Për këtë, misioni i OSBE/ODIHR për Vëzhgimin e Zgjedhjeve në Shqipëri vijon lëvizjet për zbardhjen e raportit përfundimtar, për të certifikuar ato.
Nëpërmjet një statusi në Facebook , OSCE-ja ka njoftuar se Ambasadorja e misionit të ODIHR, Audrey Glover ka zhvilluar ditën e sotme një takim me përfaqësuesit e OSBE në Shqipëri. Glover mësohet t’i ketë njohur ata me gjetjet paraprake të vëzhgimit të zgjedhjeve të 30 qershorit.
Postimi i plotë:
Ambasadorja Audrey Glover e Misionit të OSBE/ODIHR-it për Vëzhgimin e Zgjedhjeve njohu sot përfaqësuesit e komunitetit ndërkombëtar me gjetjet paraprake të vëzhgimit të zgjedhjeve vendore të 30 qershorit dhe iu përgjigj pyetjeve të tyre, në një takim të organizuar nga Prezenca e OSBE-së në Shqipëri.
