Kryesore

Zgjedhje të parakohshme/ Patozi tallet rëndë me Bashën


               Publikuar në : 09:44 - 07/02/20 M S

Kryetari i Bindjes Demokratike, Astrit Patozi, ironizon kryedemokratin Basha lidhur me deklaratën e këtij të fundit, për zgjedhje të parakohshme. Patozi shprehet në postimin e tij të radhës në Facebook, se këto janë ëndrrat e Bashës, ndërsa me tallje shton se mund edhe të dalin.

Kreu i Partisë Demokratike, Lulzim Basha ka bërë dje një bashkëbisedim me qytetarët në rrjetin social Facebook. Basha deklaroi se opozita jashtëparlamentare i qëndron ende idesë për krijimin e qeverisë tranzitore pa Ramën kryeministër, duke i hapur rrugë zgjedhjeve të parakohshme.

Mes të tjerash, Basha tha se PD është e fokusuar tek votimi elektronik. “Qeveria tranzitore është garanci dhe pa Ramën kryeministër. Ne do të bëjmë gjithçka që të realizohet votimi dhe numërimi elektronik. Votimi elektronik dhe numërimi elektronik janë prioritetet e Partisë Demokratike dhe opozitës së bashkuar në tryezën e reformës zgjedhore. Janë një nga pikat e programit të punës. Ne kemi parë në dhjetor se si mund të ndërtohet një sistem për votimin elektronik relativisht brenda një kohe të shkurtër, një sistem i thjeshtë”, tha Basha.

Statusi

ËNDRRA JANË, MBASE EDHE DALIN…

Të gjithë hallexhinjtë e botës kanë të përbashkët se urojnë me gjithë shpirt që të bëhet më mirë.
Të varfërit luten që të bëhen një ditë të pasur, të sëmurët rëndë i falen Zotit që të shërohen, të burgosurit shpresojnë gjithmonë t’i kapë amnistia dhe të lirohen, e kështu me radhë të tjerët.
Ndërsa Lulzim Basha paska uruar sot në facebook që të vijnë vetë zgjedhjet e parakohshme.
Nuk e kanë keq, se ëndrra janë, mbase edhe dalin.


Kthehu
WhatsApp Denonco ne TT