Arton Zeka është talenti shqiptar që aktivizohet me kombëtaret e moshave të Serbisë. 18-vjeçari ditën e djeshme bëri bujë në mediat shqiptare dhe ato serbe. Futbollisti deklaroi se ai do të shkonte të luante për Kosovën vetëm nëse Serbia nuk e donte atë, shkrim që është publikuar nga media serbe “Kurir”.
Ndërsa vetë lojtari ka dalë dhe tashmë ka mohuar të ketë thënë ato fjalë të publikuara nga “Kurir”.
“Unë kam lindur në Suboticë dhe jam rritur në atë qytet. Sa i përket deklaratave të dhëna për gazetarët e Kurir, unë u thashë se nuk kam vendosur se për kë do të luajë. Unë jam për momentin i fokusuar për klubin tim, i cili po më ofron gjithçka për t’u zhvilluar.
Mua nuk më intereson shumë. Të gjithë kanë të drejtë të mendojnë ndryshe. Është e vërtet se kam marrë telefonatë nga skuadra kombëtare e Kosovës. Unë nuk dua të shantazhojë askënd, unë do të punoj dhe dëgjoj, të tjerat do të vijnë.” – është shprehur Zeka.
