Zëvendëskryeministri i Kosovës, Avdullah Hoti është sulmuar me vezë afër ndërtesës së qeverisë. Pas këtij akti, ai ka thënë se ata që e kanë sulmuar, tentojnë të mbajnë Kosovën të izoluar.
Ngjarja ka ndodhur në orët e para të ditës. Pretendohet se arsyeja lidhet me heqjen e taksës, e cila është përfolur të ndodhë këto ditë.
Statusi
Porositësit e veprimit të sotëm tentojnë ta mbajnë Kosovën të izoluar. Kosova më nuk është e izoluar. Të izoluar janë vetëm ata që po japin urdhra të tillë.
Shtëpia pa miq nuk mbahet. Qeveria e re, me LDK-në brenda si partner kyç, nuk bënë kompromis me miqësinë me SHBA-në.
Sinjalet e qarta nga Qeveria e re se krimi ekonomik, zhvatja dhe kapja e shtetit po marrin fund i kanë trishtuar ata që na kanë mbajtur të izoluar.
Ne nuk do të lejojmë që raportet me miqtë tanë të nëpërkëmbën për interesa elektorale.
Ne jemi të vendosur t`i japim vendit zgjidhje, bashkë me miqtë tanë.
