Update/Ish-ministri i Brendshëm Saimir Tahiri, i cili sot deklaroi dorëzimin e mandatit të deputetit, në listën vijuese mandati pritet që t’i kalojë Spartak Brahos. Në një prononcim për “News 24”, Braho ka theksuar se ende nuk e ka vendosur se çfarë do të bëjë.
“Jam në pritje që KQZ të shpallë vakancën. Nuk kam vendosur nëse do të pranoj”- ka thenë ai. Kujtojmë që Braho ka qenë deputeti i LSI-së nga viti 2013 deri në vitn 2017, ndërsa tani është këshilltar i kryeministrit Rama.
Nëse Spartak Braho nuk e pranon mandatin, deputeti më i ri në Kuvend pritet që të jetë kryetari i FRESSH, Eljo Hysko.
Lista e PS-së në zgjedhjet e 2017-ës
Elona Gjebreja
Besnik Bare
Olta Xhaçka
Blerina Gjylameti
Pandeli Majko
Saimir Tahiri
Vasilika Hysi
Ervin Bushati
Ogerta Manasterliu
Fatmir Xhafaj
Rakip Suli
Arben Ahmetaj
Xhemal Qefalia
Sadri Abazi
Ulsi Manja
Klotilda Ferati
Sadi Vorpsi
Arben Pëllumbi
Spartak Braho
Elio Hysko
Milena Harito
Silva Çepe
Danja Obdari
Juliana Hoxha
Arben Seferi
Blerina Doracaj
Irma Shtini
Besa Spaho
Granit Gërxhalliu
Shpëtim Leskaj
Hazbi Arapi
Dritan Meta
Klevis Jahja
Gerta Lubonja
Ruilda Lita
Shpati Kolgega
Arben Meçaj
Tahiri dorëzoi mandatin e deputetit, ja kush mund të hyjë në Kuvend
Ish-ministri i Brendshëm Saimir Tahiri ka dhënë sot dorëheqjen nga mandati i deputeti, duke i hapur rrugë në këtë mënyrë Spartak Braho, ish-deputet i LSI-së, për të zënë karrigen e deputetit.
Saimir Tahiri dorëzoi mandatin e deputetit pas hetimeve ndaj tij të nisura nga Prokuroria me dyshimet si i përfshirë në trafik droge me bandën “Habilaj”.
Pas këtij vendimi, duket se një nga politikanët më të vjetër, Spartak Braho ka mundësinë të hyjë në parlament. Braho ishte i 19-ti në listën e PS-së për Tiranën por ai ka marrë një post tjetër si këshilltar, çfarë mund të sjellë refuzimin e mandatit.
Nëse Braho nuk e pranon mandatin, ai i kalon kreut të Forumit Rinor Eurosocialist Eljo Hysko. Sigurisht që më parë dorëzimi i mandatit do bëhet në KQZ, e cila më pas do shpallë pavlefshmërinë e mandatit për të vijuar me hapjen e vakancës.
