Kreu i Bashkisë së Vlorës, Dritan Leli, jo vetëm që ka mbështetur qëndrimin publik të Ramës se muzika shton rrezikun e përhapjes së viurusit, por madje ka haruar edhe hatërmbetjet dhe i uron Kurban Bajramin. Pyetur nga gazetarët nëse këtë festë do ia uronte edhe kryeministrit Edi Rama, Leli u përgjigj “Absolutisht po”.
Krisja në marrëdhënien mes socialistëve dhe Dritan Lelit nisën para zgjedhjeve, e konfirmuar edhe nga kreu i qeverisë, Edi Rama, i cili pohoi se i kishte bërë ftesën Lelit për deputet, por se ky i fundit nuk e kishte pranuar. Së fundmi, kryeministri Edi Rama e ka thumbur jo pak Lelin, i cili pak ditë më parë ishte në Vlorë ku pastroi një nga fushat e sportit.
Si për të demaskuar Dritan Lelin që nuk kujdeset për Vlorën, kryeministri u shfaq në një fushë për të pastruar vetë plehrat aty brenda. Dje, kreu i Bashkisë së Vlorës Dritan Leli sfidoi Ramën duke u ulur në një ndër lokalet e Lungomares, pas përplasjeve me policinë për orën policore. Në takimin me përfaqësuesit e biznesit, Leli ka thënë se muzika, sipas tij dhe ekspertëve, ndikon në përhapjen e Covid, pasi njerëzit mund të jenë më të shkujdesur, sa i takon respektimit të distancave. Dritan Leli ishte në një mendje me Ramën, se muzika shton rrezikun për përhapjen e virusit.
Ai u shpreh se është krijuar ideja e gabuar sikur valët muzikore përhapin virusin, por shpjegoi se virusi favorizohet nga muzika e lartë, sepse njerëzit detyrohen të ngrenë zërin për t’u dëgjuar dhe për rrjedhojë lëshojnë më shumë stërkla. “Ju shpjegoj disa gjëra si mjek. I thashë një ekspertit të Komitetit Teknik, shpjegojani njerëzve për muzikën me zë të lartë. Ju iu është krijuar ideja sikur virusi shpërndahet nga valët muzikore. Muzika me zë të lartë i detyron njerëzit të afrohen më shumë dhe të nxjerrin më shumë spërkla. Nuk e dimë nëse të gjithë vizitorët janë të shëndetshëm”, tha Leli.
