Zbulohet plani i UEFA-s, finalja e Champions League do të luhet me tifozë

Tifozët mund të rikthehen në stadium, për finalen e Champions League, e cila është planifikuar për t’u zhvilluar 29 më 29 maj në stadiumin “Ataturk” në Stamboll të Turqisë.

Në UEFA po qarkullon si ide, që në finalen e Championsit, të lejohen rreth 9 mijë tifozë, me dy skuadrat finaliste që do i ndajnë biletat për gjysmë, shkruan Daily Mail.

Shpërndarja e biletave do të bëhet “online” në mënyrë që të mos krijohen radhë dhe të rrezikohet infektimi i njerëzve me Koronavirus.

Stadiumi “Ataturk” ka një kapacitet prej 75 mijë vendesh dhe po mendohet që në finale të lejohet të mbushet në 30% ose 50%.

Vendimet përfundimtare në lidhje me kapacitetin dhe vizitorët ndërkombëtarë do të merren nga qeveria turke, por UEFA është gjithnjë e më optimiste.