Të dhëna të reja kanë dalë nga hetimet paraprake, sa i takon vjedhjes së lekëve nga bagazhi i mjetit të një biznesmeni. Me datë 22 maj, në Komunën e Parisit, Donald Hoxha 27 vjeç dhe Gentian Kane 44 vjeç, i grabitën 200 milionë lekë dhe 50 mijë franga shtetasit Flamur Behi, pronar i shumë fabrikave dhe bizneseve, ndër të tjera edhe i një fabrike cigaresh.
Grabitësit kishin më parë informacion për paratë dhe i janë vënë pas. Mësohet se biznesmeni kishte marrë sasinë e parave për ta depozituar në një filial banke të nivelit të dytë, që ndodhej brenda ambienteve të Qendrës Kristal në Tiranë.
Sipas hetuesve, biznesmeni ka lënë paratë në garazh, për të parë nëse kishte apo jo radhë në sportelet e bankës, apo nëse ajo ishte e hapur në atë orë nisur nga kufizimet që vijnë për shkak të pandemisë Covid-19.
Biznesmeni merret me import, eksport, tregtim cigaresh dhe artikujsh të ndryshme. Flamur Behi rezulton edhe pronar i kompanive të ndërtimit, që mund të përfitojë fonde publike dhe jo publike të objekteve shumë të rëndësishme si rrugëve, urave, tuneleve e veprave të artit.
