Shërbimi Evropian i Veprimit të Jashtëm (EEAS), ka publikuar agjendën e plotë të takimit që do të mbahet nesër mes Hotit dhe Vuçiç.
Videotakimi mes kryeministrit të Kosovës dhe presidentit të Serbisë pritet të zhvillohet nesër në orën 10 të mëngjesit.
Bëhet me dije se në takim do të marrin pjesë edhe përfaqësuesi i Lartë i BE-së, Josep Borrel, dhe emisari Special i BE-së për dialogun Kosovë-Serbi, Miroslav Lajçak.
“Dialogu Beograd-Prishtinë i lehtësuar nga Bashkimi Evropian do të rifillojë në Bruksel në formën e videokonferencës. Do të jetë takimi i parë i nivelit të lartë i Dialogut që nga viti 2018 dhe do të pasohet nga një takim personal i nivelit të lartë në Bruksel të enjten më 16 korrik.
Diskutimi të dielën do të zhvillohet nga Brukseli nga Përfaqësuesi i Lartë, Josep Borrell dhe i shoqëruar nga Përfaqësuesi Special i BE-së për Dialogun, Miroslav Lajçak. Presidenti i Serbisë Aleksandër Vuçiq do të bashkohet nga distanca nga Beogradi dhe kryeministri i Kosovës, Avdullah Hoti nga Prishtina.
Takimi është planifikuar të fillojë në orën 10:00. Mbulimi me fotografi dhe video do të sigurohet nga EEAS dhe do të transmetohet në Këshillin e BE dhe kanalet EbS”, thuhet në njoftim.
