Aktorja e njohur e humorit, Rudina Dembacaj, teksa ishte e ftuar në emisionin “Lart e Poshtë” ka folur edhe për raportin që ka me dy vëllezërit binjakë, Romeo dhe Donald Veshaj, me të cilët ka qenë kolege gjatë kohës që ishte pjesë e produksionit “Al-Pazar”.
Në një moment ajo është pyetur se cilin nga vëllezërit do të zgjidhte si bashkëprezantues nëse do të kishte një emision të titulluar “Dyshat”.
Ndërsa nuk hezitoi aspak të jepte një përgjigje, aktorja po ashtu zbuloi se ka qenë ajo që ka këmbëngulur për futjen e Romeos në “Al Pazar”, pasi, sipas saj, Agron Llakaj ishte skeptik në përzgjedhjen ose jo të tij.
“Unë kam këmbëngulur që Romeo të jetë pjesë e Al-Pazar sepse Agron Llakaj ishte shumë skeptik dhe nuk e donte”, rrëfeu Rudina.
Ndërsa shtoi: “Sigurisht që me Romeon sepse Donaldin e njoh më pak! Por ata janë të dy çuna të jashtëzakonshëm!”
