Ish-kryeministri Sali Berisha, Presidenti Ilir Meta, kryetarja e LSI, Monika Kryemadhi dhe kreu i PD, Lulzim Basha synojnë ta ndezin Shqipërinë në tym e flakë. Etja për pushtet e Berishës, Metës, Bashës dhe Kryemadhit po kthehet në një minë me sahat për të gjithë qytetarët shqiptarë, pasi vendi rrezikon të shkojë drejt konfliktit civil, si në vitin e mbrapsht 1997. Pak ditë më parë, Partia Demokratike përmes një vendimi që morri bekimin e Këshillit të PD vendosi ngritjen e Komiteteve të Shpëtimit, e njohur ndryshe si “Aleanca Qytetare për Mbrojtjen e Demokracisë”, e cila do të jetë prezente në 61 bashki të vendit.
Por kur kanë kaluar vetëm pak ditë nga ky vendim, në disa qytetet kanë nisur zbatimin urdhërit të partisë, duke “celulat” të para. Behet fjalë për qytete si Fieri, Shkodra, Librazhdi, në të cilët Partia Demokratike ka mobilizuar grupe mercenarësh. Ndërkohë që sipas informacioneve, brenda kësaj jave këto “celula” do të ngrihen edhe në qytetet të tjera. Po çfarë janë komitetet e shpëtimit, të ngritur më kaq zell nga opozita? Sipas informacioneve, krijimi i kësaj aleance nënkupton grupe të strukturuara apo siç njihen ndryshe grupe mercenarësh, të cilët janë të porositur dhe synojnë të çojnë vendin në përplasje civile. Po ashtu, një tjetër detyrë e këtyre komiteteve është sulmi ndaj kryeministrit Edi Rama, duke mos e lejuar që të zhvillojë takime elektorale në kuadër të zgjedhjeve vendore të 30 qershorit.
Dhe të paktën deri më tani, plani ogurzi i katërshes “Basha, Berisha, Kryemadhi dhe Meta” duket se po funksionon. Sinjali ka ardhur nga qytete si Librazhdi dhe qarku Fier, ku është sulmuar kryeministri Rama dhe eskorta e tij. Po ashtu, mësohet se grupet e mercenarëve, të cilët do të operojnë në të 61 bashkitë e vendit, do të kenë në përbërjen e tyre njerëz të fortë dhe me impakt në qytetet për të frikësuar qytetarët dhe për të shkaktuar tensione. Nga ana tjetër, mësohet se këto komitetet nuk kanë si synim që të ndërgjegjësojë qytetarët për rrezikun që po i kanoset demokracisë në vend dhe marrjen e të gjitha masave për të mbrojtur rendin demokratik dhe kushtetues, por shkaktimin e trazirave, në mënyrë që askush të mos shkojë të votojë në 30 qershor. Ndërkohë, sipas informacioneve këto komitete janë porositur që të thërrasin militant, në mënyrë që të protestojnë afër vendit, ku do të jetë i pranishëm shefi i qeverisë, me qëllimi që në gjaknxehtësi e sipër militantët e opozitës të përplasen me ata të mazhorancës, duke shkaktuar dhunë e kaos dhe prishjen e fushatës zgjedhore. Thënë më troç, Berisha dhe Meta kërkojnë destabilizimin e vendit.
Në Tiranë rinisin protestat
Por përveç ngritjes së këtyre celulave, opozita ka dhe një tjetër plan, sikundër është vijimi i protestave kombëtare. Kështu, protesta e radhës e opozitës do të jetë në 21 qershor në orën 20:00. Vendimi është marrë në mbledhjen e djeshme të kryesisë së PD, ish-grupit parlamentar dhe kolegjin e kryetarëve. Në mbledhje mësohet se kreu i PD Lulzim Basha është shprehur se Rama na ka shpallur luftë. “Edi Rama na ka shpallur luftë. Duhet të mbrojmë vendin dhe qytetarët, kushtetutën. Jemi në të drejtën tonë t’i përgjigjemi me çdo çmim dhe me çdo mjet. Nuk ka zgjedhje pa opozitën. Është krim veçanërisht në kushtet e dekretit te presidentit”, mësohet të jete shprehur kryedemokrati. Po ashtu, mësohet se Basha ka thënë se Rama po bën grusht shteti. “Jemi ne pune te pandërprere. Takime me qytetaret për t’u shpjeguar njerëzve se Rama po bën grusht shtetit. Është rrezik kombëtar, duhet ndalur menjëherë. Vendi rrezikon rikthimin e vizave, izolimin, regjim represiv përmes arrestimeve”, mësohet të ketë thënë Basha. /Gazeta SOT
