Prokuroria vijon hetimet lidhur me skemën e mashtrimit me TVSH-në, ku vendosi në pranga 13 biznesmenë, ndërsa 12 të tjerë u shpallën në kërkim me akuzën e ‘krijimit të skemave fiktive’. Ata i shkaktuan shtetit një dëm prej 18 milionë eurosh.
Prokuroria e Tiranës ka nxjerrë edhe katër urdhër arreste për personat që kanë tërhequr paratë nga bankat. Deri më tani në pranga ka rënë Xhon Lamaj, ndërsa në kërkim janë edhe tre persona të tjerë.
Zbardhja e hetimeve
Nga hetimet ka rezultuar se Xhoni ka tërhequr në bankë si përfaqësues i subjekteve fiktive afro 6 milionë euro. Hetimet për abuzimet me TVSH-në janë ende të hapura, disa javë më parë u ndaluan personat që rezultonin përfaqësues të bizneseve, por që kishin dhënë kartën e ID dhe paguheshin vetëm 30 mijë lekë.
