Zbulohen detaje të reja lidhur me atentatin e ndodhur ditën e djeshme në Elbasan, ku mbeti i plagosur Ardian Çapja.
Bëhet me dije se më shumë se 20 persona që dyshohen se mund të kenë dijeni me ngjarjen janë shoqëruar në polici.
Sipas News24, policia ka sekuestruar kamerat e sigurisë në zonën përreth dhe po këqyrin pamjet e ditës së djeshme, por edhe të ditëve më parë, pasi ka dyshime se atentatorët e kanë studiuar zonën.
Ndërkohë përveç snajperit në automjetin e djegur është gjetur edhe një silenciator të çmontuar. Ekspertët kanë mundur të përftojnë numrin e serisë së armës dhe po bëhen verifikime për të kuptuar nëse është e regjistruar.
Provat e mbledhura deri më tani sugjerojnë se atentati mund të jetë kryer me snajper me silenciator.
