Mbrëmjen e djeshme, policia u pozicionua pranë qendrës Kristal në Tiranë, ndërsa fillimisht u raportua për disa të shtëna. Nga këto të shtëna me armë mbeti pa jetë Hekuran Billa. Nga mënyra se si është kryer vrasja, kemi të bëjnë me një eliminim të tipit mafioz, ndërsa autorët fshehën gjurmët duke djegur edhe mjetin me të cilën qarkullonin.
Ekzekutimi i tipit mafioz ndodhi në një moment kur zona kishte shumë lëvizje qytetarësh. Vrasësisit kanë qenë tejet profesionistë, duke u bazuar në kryerjen e krimit dhe largimin pa lënë asnjë shenjë.
Duke iu referuar uniformave blu, për të shmangur identifikimin nga kamerat e sigurisë, si dhe largimit të shpejtë nga zona, vrasësit janë kthyer nga e njëjta rrugë nga e cila kanë ardhur, në daljen më të shpejtë në autostradë. Pak çaste më vonë nga krimi i rëndë, u raportua edhe për një makinë të djegur. Nuk do të vononte shumë që policia menjëherë të hidhte dyshimet se kishim të bënim me një provë nga autorët. Mjeti i tyre tip Benz, u gjend më vonë i djegur në Pezë.
Në video shihen gjithashtu disa makina të tjera që përplasen me njëra-tjetrën në përpjekje për t’u larguar, e për t’i shpëtuar plumbave. Në pamje duket makina e atentatorëve që i del në krah makinës tip BMW X6 të Billës, dhe pasi e qëllon këtë të fundit, përfundon e përplasur me një bordurë në trotuar. Pas ekzekutimit me automatik, vrasësit u larguan duke u kthyer mbrapsht nga rruga që erdhën, në drejtim të Unazës së Madhe.
Motivet e krimit
Motivet e ekzekutimit të Billës janë ende të paqarta për hetuesit, por dyshimi kryesor mbetet hakmarrja. Kjo për shkak se 40-vjeçari, i njohur edhe me emrin Herland Bilali në Angli, në vitin 2006 vrau me breshëri në një lokal Prel Markun, ndërsa la të plagosur tre persona të tjerë, Petrit Brahon, Agron Gjonin dhe Musa Rrahmanin.
Ekzekutimi me një armë i Hekuran Billës alias Herland Bilali, ka sjellë nxjerrjen në dritë të një rasti të dënuar me burgim të përjetshëm, por që çuditërisht shëtiste i lirë dhe me BMWX6, në Shqipëri.
Hekuran Billa ishte i dënuar me burgim të përjetshëm për akuzën e “Vrasjes në rrethana cilësuese ndaj 22 vjeçarit Prel Marku. Ngjarja ka ndodhur në “Park Royal” të Londrës më 14 tetor 2006 dhe në vitin 2008, Hekuran Billa është dënuar nga gjykata e Kurorës Snaresbook, Angli me burgim të përjetshëm.
