Policia e Shtetit ka publikuar pamjet që shfaqin momentet e shoqërimit në polici të të arrestuarve në operacionin “Mezhgorani”, mes të cilëve ra në pranga edhe Henri Çili.
Një aksion i gjerë i policisë, që mori shtysë nga përgjimet për të arrestuar disa të dyshuar për trafik kanabisi, ka çuar në pranga botuesin Henri Çili dhe 27 persona të tjerë deri më tani.
Henri Çili është vënë nën akuzë për veprat penale “Fshehja e të ardhurave”, “Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve në bashkëpunim”.
