Një ditë para protestës, PD ka nisur thirrjet për pjesëmarrje, sikundër edhe më herët dha një mesazh të qartë kryedemokrati Basha. Përpos thirrjeve zyrtare, kjo forcë ka shpërndarë me anë të mesazheve personale ftesën për t’u bërë pjesë e tubimit të tetë kombëtar.
Ashtu si në thirrjet e tjera për protestë, në mesazhin që i shpërndahet militantëve thuhet se nesër do jetë dita kur do rrëzohet qeveria Rama. Ata e cilësojnë si një ditë historike për vendin, pasi do jetë dita e rrëzimit përfundimtar e klikës mafioze-terroriste.
“Nesër duhet të jeni në Tiranë, në orën 19:00, në bulevardin ‘Dëshmorët e Kombit’, se do jetë ditë historike për Shqipërinë. Do jetë dita e rrëzimit përfundimtar e klikës mafiozo-terroriste bolshevike, bëhu edhe ti pjesë, të hyni edhe ju në histori me kontributin tuaj për shpëtimin e vendit nga mafja (shpërndaje te miqtë tuaj)”, përfundon mesazhi.
